હરેક રાતની દોસ્ત,
કંઈ હોતી નથી સવાર;
ને એ જ રાત કદી જલદી નથી થતી પસાર.
જિંદગી શું સમજતા વીતી આખી જિંદગી;
અને હતો ફક્ત અઢી અક્ષરમાં એનો સાર.
એક શક ક્યાંક સળવળે છે સાવ અમસ્તો;
પછી ચાદર સંબંધોની થઈ જાય તાર-તાર.
નવાઈ એ વાતની છે હું હજુ જીવી રહ્યો
છું!
બાકી એક નજરે વીંધ્યો છે મને આરપાર.
જિગરમાં દરદ હોય ને હોઠો પર હોય
હાસ્ય;
ત્યારે જ દોસ્ત, ખીલી ઊઠે છે કોઈ
અશઆર.
જતા જતા એવી રીતે એમણે કહ્યું અલવિદા;
જિંદગી આખી એના ઇંતેજારમાં કરી
નિસાર.
હર અક્ષર, હર શેર ગઝલના
નટવર શું છે?
સમજનારા સમજી જશે ગઝલનો અભિસાર!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું