ભાંગી જશે સૌ ભરમ ધીરે ધીરે;
થઈ જશે પ્રેમ સનમ ધીરે ધીરે.
ઘૂંઘટ દૂર હટાવો તમે ચહેરાથી;
શરમાઈ જશે શરમ ધીરે ધીરે.
હળતા રહો,મળતા રહો
તમે મને;
હું પણ લાગીશ પરમ ધીરે ધીરે.
ઓગળી એક થઈ જશે તનબદન;
થવા દો તનમન ગરમ ધીરે ધીરે.
ઘાયલ થઈ કરી દે સહુને એ તો;
કરો નિગાહ-એ-કરમ ધીરે ધીરે.
ઘણા ગહેરા છે જખમ-એ-જિગર;
લગાવો એને મલમ ધીરે
ધીરે.
આત્માના અવાજને જો અનુસરો;
સરખાં લાગશે હર ધરમ ધીરે ધીરે.
એક એક આંસું અમૂલ્ય થઈ જશે;
જ્યારે આંખો થશે નમ ધીરે ધીરે.
વાત સાવ સાચી છે
નટવરની;
કરો તમે એનો અમલ ધીરે ધીરે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું