જે મને ગમે છે તો ય હરદમ કોસી છે;
એ કોઈ ઓર નથી,
મારી ખામોશી છે.
કદી ય સાથ નથી છોડતો,
કહું કરે એ;
મારો પડછાયો મારો પહેલો પડોશી છે.
હર કોઈનું ભવિષ્ય એ બરાબર જાણે;
આ સમય પણ બહુ જ કુશળ જોષી છે.
ગળે વિંટળાઇને મને જ ગળી ગઈ એ;
વહાલી તન્હાઈને મેં જ પાળી પોસી છે.
સાકી પિવડાવતી હતી આંખોથી સૌને;
જેણે પયમાનાથી પીધું,
મોટો દોષી છે.
બહુ શોધ્યું તો ય મને નથી મળતો હું;
મારી જ જાતને મેં ખુદ ખૂબ ફંફોસી છે.
વરસો બાદ દીકરો ખબર લેવા આવ્યો;
ઘરડાંઘરમાં ખૂબ ખુશ ડોસા ને ડોસી છે.
આ ગઝલ ગીત કવિતા શું છે દોસ્ત?
રડ્યાખડ્યા ખયાલોની
કદમબોસી છે.
છે અને નથી નટવર તું હવે મહેફિલમાં;
આ તે કેવી મસ્ત મજાની મદહોશી છે!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું