લો,લોકો સહુ
બહુ રાજી રાજી છે;
વાત ઇશ્કની ક્યાંક બહુ ગાજી છે.
જીતના પાનાં એનાં હાથમાં છે;
આ તે કેવી એની ચાલબાજી છે?
કંઈક તો થતું તો હશે એને પણ;
આજ જોઈને મને એ ય લાજી છે.
ક્યાંક સતત વરસતી રહી આંખો;
અને ક્યાંક બેસુમાર તારાજી છે!
આ એવી દુનિયા છે દોસ્ત જ્યાં;
હરતરહ લાગણીની
હરાજી છે.
એના હર પગલે સજદા કર્યા મેં;
મિત્રો કહે તું જ ખરો નમાજી છે.
વાત દિલની માનીને પસ્તાયો;
કમબખ્ત આ દિલ બડું પાજી છે.
એ શું કરશે મારા હકમાં ફેસલો?
મારો કાતિલ જ મારો કાજી છે.
આ જિંદગી પણ શું છે દોસ્ત મારા;
બસ એક મજાની નાટકબાજી છે.
નિરાંતે કબરમાં સૂતો છે નટવર;
એની તબિયત હવે થોડી સાજી છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું