સર્વને એક દિ છોડી તું પણ મને મળવા આવ;
બંધ કરી અફીણી આંખો મારે ખભે ઢળવા આવ.
કહેવા જેવું અને ન કહેવા જેવું બધું કહ્યું તને;
હવે તુ મારા અસીમ મૌનને સાંભળવા આવ.
પ્રેમની અગન કેવી છે તને એ સમજાય જશે;
મારી સાથે આગ-એ-ઇશ્કમાં તું બળવા આવ.
સાથ સંગાથ થીજ્યા અહીં હવે બરફની માફક;
તારા માદક સ્પર્શથી એને તું ઓગળવા આવ.
ઝેર જુદાઈનું પીધું માણી માણી જાણી જાણી;
સાથ સાથ મારી તું ય અહીં ટળવળવા આવ.
દુનિયાભરની ખારાશ ઓગળી ગઈ છે એમાં;
ગળ્યાં આંસુ બની મારી આંખોથી ગળવા આવ.
મળી મને સમજાશે તને તારા હોવાનું કારણ;
છે ખુદમાં કેદ એમાંથી બહાર નીકળવા આવ.
આવે એક વાર તો કદી ય ન જવા દઈશ તને;
મારા રોમ રોમમાં,
શ્વાસોશ્વાસમાં ભળવા આવ.
હર મુલાકાતનો અંજામ જુદાઈ હોય એવું નથી;
હર મુલાકાતનો અંજામ જુદાઈ હોય એવું નથી;
એ સાબિત કરવા કદી ય ફરી ન વળવા આવ.
શબ્દના સહારે કેટલુંક જીવશે નટવર કોણ જાણે;
શબ્દના બંધ દ્વારે ટકોરો બની ખળખળવા આવ.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું