આ અસીમ એકલતા પણ યાર કમાલ કરાવે છે;
ખુદના પડછાયાને ય એ
ખૂબ વહાલ કરાવે છે.
બેપનાહ ઇશ્કની આ પ ણ એક આડ અસર છે;
જે વીસરી ગયા હોય છે એના ખયાલ કરાવે છે.
દિલ તો દિલ છે સાવ નાનકડું એક મુઠ્ઠી જેવડું;
જો તોફાને ચઢે તો કેટ કેટલી બબાલ કરાવે છે.
કેટકેટલાં રૂપ છે જિંદગીના!જે જાણે એ જ માણે;
જિંદગી ક્યારેક હસાવે ક્યારેક મલાલ કરાવે છે.
દિલના બદલામાં દિલ માંગ્યું મેં એમની પાસે;
રાહ છે મને માંગ મારી ક્યારે બહાલ કરાવે છે.
વાંક મારો નથી એમના રૂપનું જાદુ જ છે એવું;
કહેવું છે ઘણું અને જીભ પાસે હડતાલ કરાવે છે.
ગતિ વહેતા સમયની છે બહુ જ નિરાલી નટવર;
તારા જેવા સીધા પાસે એ અજબ ચાલ કરાવે છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું