માણસ માણસની સામે ક્યાં કદીય ફાવે છે?
આ માણસ જ માણસને અમસ્તો સતાવે છે.
કહેવા જેવું ઘણું છુપાવી રાખ્યું અમે બન્નેએ;
રાહ જોતા રહ્યા,
કોણ પહેલાં એ બતાવે છે!
દુનિયા આખે આખી મળી જાય મને સનમ;
જ્યારે તારા બાહુપાશમાં મને તુ સમાવે છે.
અમે તો છીએ જ એવા, સૌને ઝૂકતા રહ્યા;
શું કરીએ?અમારી
નમ્રતા અમને નમાવે છે.
માણસ તો ભાઈ માણસ છે,આ
માણસનું શું?
હકીકતમાં જે નથી,
સપનાંમાં એ સજાવે છે.
સાકી મયખાને નથી આવતો હું મય પીવા;
ઇંતેજાર છે મને,
ક્યારે તું નકાબ હઠાવે છે?
ન પૂછ દોસ્ત કેવી રીતે લખે છે બધું નટવર?
એને ય ક્યાં ખબર છે કે કોણ એ લખાવે છે?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું