આયનામાં મારો જ એક હમશકલ છે;
પકડાતો નથી, એનાંમાં વધુ અકલ
છે.
જિંદગી શું છે કોણ સમજ્યું એના વિશે?
જન્મથી મોત સુધીની એક દડમજલ છે.
એમની આંખોમાં ડૂબવાનું જ હતું મારે;
ગહેરાઈ બે આંખોની બહુ જ અતલ છે.
કાજળ લગાવી છુપાવવાથી શું થશે?
તમારી આંખો મારી યાદમાં સજલ છે.
ફૂલો જોઈને યાદ આવે તમારો ચહેરો;
હરેક સુમનમાં તમારી જ તો નકલ છે.
દિલ પર હાથ મૂકી કરી લો ખાતરી તમે;
એમાં ય મારા દિલ જેવી જ હલચલ છે.
નથી લખતા આવડતી મને તો શું થયું?
સનમ મારી ખુદ એક જીવતી ગઝલ છે.
કવિતાઓ નટવરની નથી કંઈ બહુ ગહન;
સમજી જાઓ, જે કંઈ લખે બહુ
સરલ છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું