ઠીક ઠીક છે...

બધું જ ઠીક ઠીક છે;

એની જ તો બીક છે.

કોણ સમજશે એને?

કેવી માથાઝીંક છે?

કહી દેને, પ્યાર છે;

ભલેને એ જરીક છે.

કોઈ ત્યાં યાદ કરે;

અહીં હીક હીક છે.

દૂર ભલેને રહે એ;

દિલની નજદીક છે.

બારે માસ શ્રાવણ;

ને વસંત કદીક છે.

આંખમાં મારી આંસું;

પ્રેમનું એક પ્રતીક છે.

ના ના કહેતા રહે એ;

ઇશ્કમાં સૌ સરીક છે.

સાવ એકલો નથી;

પડછાયો રફીક છે.

મનોમન મરકે એ;

જરૂર એ રસિક છે.

નશો નથી આ કંઈ;

ઇશ્કની જ ‘કિક’ છે!

નટવર,  શું નથી?

ઇશ્ક છે, અધિક છે.

(રફીક=મિત્ર)