ન પૂછો દોસ્તો તમે મને મારું દિલ શું છે?
મારા સનમના ખયાલોની એક મહેફિલ છે.
આમ પણ એ હવે કહ્યું મારું ક્યાં એ માને?
જોયા જ્યારથી ‘એમને’ જ એ તબદીલ છે.
એક તલ ઓછો પડ્યો ચોકી કરવા રૂપની;
હવે એમના ગુલાબી ગાલે એક બે ખીલ છે.
છેક એવું ય નથી કે એમને કોઈ દિલ નથી;
એઓ છે જ એવા,દિલથી થોડા
સંગદિલ છે.
હસતા હસતા ભલે હારી જાઉં એમની સાથે;
બાકી જીતવા જેવી મારી પાસે ય દલીલ
છે.
હસતા રહેવાની આદત ભારી પડી ગઈ મને;
કોઈએ એ ન જોયું આંખોમાં કેટલું સલિલ
છે.
વાત દિલની રાખી છે નટવરે પણ દિલમાં;
ન સમજો યારો તમે એ ય સાવ બુઝદિલ છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું