કાશ! આપ સનમ, મને પહેલાં
મળ્યાં હોત !
અરમાનો આપણાં આંસુંઓમાં ન ભળ્યાં હોત.
ખોવાઈ જતે આપણે એકબીજાની આંખોમાં;
અને જગનાં ઠગ લોકને એ રીતે છળ્યાં હોત.
જતા જતા જોયું હોત મારા તરફ એક વાર;
ચરણો આપના પણ જરૂર પાછાં વળ્યાં હોત.
સાથે મળી ભેટીને ભલે આપણે રડ્યાં હોત;
એ આંસુંઓ આપણાં ખારાં નહીં,ગળ્યાં હોત.
મળીને આપણે બન્ને કદી ય અલગ ન થાત;
ને જુદા કરવા આપણને સહુ ટળવળ્યાં હોત.
પાથરી દેત હું મારી જાતને આપનાં ચરણોમાં;
આપ પણ સનમ,મારા તરફ
સહજ ઢળ્યાં હોત.
પકડ્યો હોત હાથ મારો આપના કોમળ હસ્તમાં;
રાહ-એ-જિંદગીમાં અણગમતાં સાથ ટળ્યાં હોત.
લખી નજમ લાગણીમાં ઝબોળી કલમ નટવરે;
પડે જો એક નજર આપની,શબ્દોય ફળ્યાં હોત.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું