દોસ્ત,એક
પથ્થરને પણ કેવી રીતે ખુદા કરું સમજાતું નથી;
તું ક્યાં સાંભળે છે પ્રભુ? કેવી
રીતે સદા કરું સમજાતું નથી.
મારે તો પહોંચાડવા છે એને મારા દિલથી તારા દિલ સુધી;
ક્યાં ક્યાં કઈ કઈ રીતે નમી તારા સજદા કરું સમજાતું નથી.
બંદગી ભક્તિ પ્રાર્થના છે કદી ન ઊતરતા એક નશા જેવી;
મંદિર,
મસ્જિદમાં ય કેવી રીતે મયકદા કરું સમજાતું નથી.
આયનાને તો છેતરી જઈશ સાવ સરળતાથી હું દોસ્ત મારા;
મારી ખુદની જાત સાથે કેવી રીતે પરદા કરું સમજાતું નથી.
નજરથી તો દૂર કરી દીધા સનમ તમને હસતા હસતા મેં;
ઘાયલ દિલમાંથી તમને કેવી રીતે વદા કરું સમજાતું નથી.
ખયાલમાં આવી ખલેલ પાડે,સપનાંમાં આવી સનમ સતાવે;
યાઅ હવે એમને ત્યાંથી કઈ રીતે ગુમશૂદા કરું સમજાતું નથી.
ધર્મયુધ્ધમાં રણમેદાને અર્જુનને તો મળી ગયા હતા સારથિ;
મારા અવિરત પ્રેમયુધ્ધમાં હું કોને નાખુદા કરું સમજાતું
નથી.
સોદા સપનાંઓના કરતા કરતા દેવાદાર થઈ ગયો નટવર;
વેચી મોંઘેરી નિંદર કરજ કેવી રીતે અદા કરું સમજાતું નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું