સહુ કોઈને નાહક નમી નમી;
કેવો થઈ ગયો છે આદમી?
હસતો રહે છે એ મહેફિલમાં;
છુપાવે છે એ આંખોમાં નમી.
હુકમના પાના હોય ને હારે;
કેવી કેવી રમત એણે રમી?
એ એક સાંધે તો તૂટે છે તેર;
હશે કોઈક એનામાં ય કમી.
નથી નસીબમાં ટુકડો આકાશ;
નથી ભાગ્યમાં એક તસુ જમી.
ખુદને શોધી ન શક્યો એ કદી;
ને દુનિયા આખી આવ્યો ભમી.
એક સરખું જીવન જીવી જીવી;
કરી રહ્યો છે એ જિંદગી વસમી.
લખ કંઈક એવું નટવર તું ય;
શાયદ સહુ કોઈને જાય ગમી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું