કમજોરી છે...

ન કોઈ સીનાજોરી, ન કોઈ મોટી ચોરી છે;

આ ઇશ્ક કમબખ્ત એક બડી કમજોરી છે.

મારી જાણ બહાર વીંધી નાંખ્યો આરપાર;

શું કહું યાર? નજર જાલિમની બિલોરી છે.

ન કરવી હોય તોય આવી જાય યાદ એની;

બેવફા એવા બાલમ મારા બહુ બરજોરી છે.

હસતા હસતા રમતા રમતા દિલ તોડે એ;

સમજે એને સમજાય,મિજાજ એનો તોરી છે.

કોણ જાણે એણે શું શું વાંચી લીધું છે એમાં !
બાકી કિતાબ મારી જિંદગીની સાવ કોરી છે.

કેવી થઈ ગઈ હાલત મારી એમના વિના?

જાણે કપાયેલ પતંગ છું અને ભરદોરી છે.

ઉછેર્યા આંસું સીંચી સીંચી સપના સનમમાં;

હર કાળી રાત મારી ફાગણ બની મહોરી છે.

ન  કરો નાહક ફિકર દોસ્ત, તમે નટવરની;

વસમી વિટંબણા એણે હાથે કરી વહોરી છે.