મારા સપનાંઓને આપો તમે આકાર;
તમારા સપનાંઓને કરો તમે સાકાર.
જેવો છું હું એવો જ આપનો છું સનમ;
સ્વીકારો સનમ,તમે ય મને નિર્વિકાર.
યાદમાં આવો છો તમે મને હર પળ;
શું આપને ય આવે છે મારા વિચાર?
ચાલો હળી મળીને રહીએ આપણે બે;
કરીએ હર તરફ આપણે પ્રેમ પ્રસાર.
પ્રેમ તો છે ભલે સાવ અઢી અક્ષરનો;
અને છે એમાં જિંદગી આખીનો સાર.
બાજી દિલની લગાવી બેઠો છું સનમ;
ભલે થાય તમારી જીત ને મારી હાર.
ચાલ નટવર હવે બસ કર લખવાનું;
તારા શબ્દની ઓછી થઈ રહી ધાર.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું