જરૂર એઓ પણ જાણતા હશે કોઈ ભારે જંતરમંતર;
એથી મળીને એમને હું થઈ જાઉં સાવ મૂંગો મંતર.
એવું કેમ થઈ જાય છે દોસ્ત,સમજ નથી પડતી મને;
મળી સાવ અજાણ્યાંને જિંદગી બદલાય જાય સદંતર.
ન જાણે કઈ વાતનો લઈ રહ્યા છે બદલો મારી સાથે;
મળી રહ્યા છે સહુને રાખીને મારી સાથે કોસો અંતર.
પ્રેમમાં પડી એક વાર જોઈ લે દોસ્ત શું માયા છે એ;
સમજતા સમજતા સમજાશે તને ય બધું બખડજંતર.
કોઈ વસી જશે આંખોના રસ્તેથી ઊતરી સીધા દિલમાં;
ને પછી એ જ જાલિમ છેતરીને થઈ જશે સાવ છૂમંતર.
ન કોઈ ચિઠ્ઠી,ન મિસ કોલ, નથી કોઈ એસ એમ એસ;
અંતર મારું તરસી રહ્યું, મળે એમના કોઈ ખબરઅંતર.
દુઆ જ હવે તો દવાથીય વધુ અકસીર છે દોસ્ત મારા;
દુઆ કરો ઓ દોસ્તો લખતો રહે નટવર આમ નિરંતર.
સરસ!
જવાબ આપોકાઢી નાખો