મારા વિશે કંઈક હું કહું એ મારો વિષય નથી;
શું કહું હું?
મને હજુ મારો પૂરો પરિચય નથી.
લેતા તો લઈ લીધું છે દિલ મારું એમણે પણ;
હવે શું કરવું એમણે?
હજુ કંઈ પણ તય નથી.
સમજતા સમજતા સમજી જશે એ મારા ઇશ્કને;
પ્રેમ છે,
પ્રેમ છે, એ કોઈ
વાસના વિષય નથી.
ધબકારા દિલનાં મારા બદલાય એમને નિહાળી;
હવે એમાં કોઈ લય નથી,
લય નથી,લય નથી.
પડછાયો મારો જમને ડરાવી દે સાવ અચાનક;
ઓ દોસ્ત,
એમ તો મારે બીજો કોઈ ભય નથી.
ઇશ્ક જેવો ઇશ્ક સજા બની જાય છે દોસ્ત મારા;
જ્યારે ઇશ્કની એ લાખેણી લાગણી ઉભય નથી.
પિવડાવી દે તારા હુસ્નને પયમાનામાં ભરીને;
ઓ સાકી,
ભલેને આજે મયખાનામાં મય નથી?
જેના ખતની તુ રાહ જોઈ છે એને વખત નથી;
તું લખ લખ કરે,
એને વાંચવાનો સમય નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું