એ જ એક છે,
બીજી કોઈ ખાસ નવાજૂની નથી;
બસ મારા વિના જિંદગી એમની કંઈ સુની નથી.
બેઠો છું હું સર-એ-રાહ ધૂણી ઇશ્કની ધખાવીને;
પ્રેમી છું,
હું કોઈ સાધુ, સંત કે
મોટો મુનિ નથી.
જિંદગી તો જિંદગી છે,
દોડતી રહેવાની સતત;
દોડધામમાં વીસરું એમને એટલો હું ધૂની નથી.
કરી ગયા કતલ કામણગારી આંખોની કટારીથી;
છે કમસીન માસૂમ બહુ,લાગે છે
એ ખૂની નથી.
સીધો સાદો શખ્સ રહ્યો છેતરાય ગયો સસ્તામાં;
મારી હર ચાલ એમના જેવી કંઈ દો દુની નથી.
આંસુ ય મારા સુકાય ગયા, ઊડીને થયા વરાળ;
ને હવા આસપાસ મારી હજુ એટલી ઊની નથી.
પૂછ્યું મેં એમને દિલ લઈને દિલ આપવું છે ને?
એ કહે નટવર,દોસ્તી
આપણી એટલી જૂની નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું