ધરતીની સાથે ધરા પર બીજું કોઈ પણ તરસે છે;
એટલે જ વાદળો સાથે મારી આંખો પણ વરસે છે.
એક દિવસ સનમ, આપણેય એમ જ મળી જઈશું;
કહે છે ધીરેથી ધરતીના ખંડો પણ નજીક ખસે છે.
કોઈ જ તસવીર નથી મારા ઘરની દિવાલો પર;
જે જે વ્હાલા છે મને એ તો મારા દિલમાં વસે છે.
એય એક વરવી વાસ્તવિકતા છે ઓ યાર મારા;
અહિં હર કોઈ બીજાના માટે જીવનભર શ્વસે છે.
પાણી પર પણ આગ લાગતા વાર નથી લાગતી;
ને લોકો પેટ્રોલના સરોવરે ચકમક લોહ ઘસે છે.
મગરૂર દરિયાને ક્યાં કદી નદીની કોઈ પડી છે?
નાદાન નદી મસ્તીથી દરિયાને મળવા ધસે છે.
ગુંગળાઈને મરી જઈશ હું તો એમ જ કદીક હવે;
ને સનમ, તું વારે વારે નજરોના દોર વધુ કસે છે.
ન પુછ સનમ,કેવી મીઠી મીઠી પીડા થાય છે મને;
ઝેરી નાગ તન્હાઈના ફૂંક મારી ધીમે ધીમે ડસે છે.
દોસ્ત કહે નટવર કહી દે તું રાઝ આજ મહેફિલમાં;
દિલમાં દરદ સાથેય તું કેવી રીતે સરસ હસે છે?
એટલે જ વાદળો સાથે મારી આંખો પણ વરસે છે.
એક દિવસ સનમ, આપણેય એમ જ મળી જઈશું;
કહે છે ધીરેથી ધરતીના ખંડો પણ નજીક ખસે છે.
કોઈ જ તસવીર નથી મારા ઘરની દિવાલો પર;
જે જે વ્હાલા છે મને એ તો મારા દિલમાં વસે છે.
એય એક વરવી વાસ્તવિકતા છે ઓ યાર મારા;
અહિં હર કોઈ બીજાના માટે જીવનભર શ્વસે છે.
પાણી પર પણ આગ લાગતા વાર નથી લાગતી;
ને લોકો પેટ્રોલના સરોવરે ચકમક લોહ ઘસે છે.
મગરૂર દરિયાને ક્યાં કદી નદીની કોઈ પડી છે?
નાદાન નદી મસ્તીથી દરિયાને મળવા ધસે છે.
ગુંગળાઈને મરી જઈશ હું તો એમ જ કદીક હવે;
ને સનમ, તું વારે વારે નજરોના દોર વધુ કસે છે.
ન પુછ સનમ,કેવી મીઠી મીઠી પીડા થાય છે મને;
ઝેરી નાગ તન્હાઈના ફૂંક મારી ધીમે ધીમે ડસે છે.
દોસ્ત કહે નટવર કહી દે તું રાઝ આજ મહેફિલમાં;
દિલમાં દરદ સાથેય તું કેવી રીતે સરસ હસે છે?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું