એક અવગણેલ સંસ્મરણ જિંદગીભર સતાવતું રહ્યું;
હતું અંગત એ એક જણ જિંદગીભર સતાવતું રહ્યું.
સહેજ મનોહર ઝલક બતલાવીને ક્યાંક નાસી ગયું;
વાસનાનું માયાવી હરણ જિંદગીભર સતાવતું રહ્યું.
કહેવાનું ન કહી શક્યો એટલે લખવી પડી કવિતાઓ;
મત્લાથી મક્તાનું અવતરણ જિંદગીભર સતાવતું રહ્યું.
ચહેરા પર ચહેરો લગાવીને ફરી રહ્યો હર શખ્સ અહીં;
એ એક અપારદર્શક આવરણ જિંદગીભર સતાવતું રહ્યું.
મારા હાથની વાત નો'તી કે બદલી શકું તમારા માટે;
આપણું કહેવાતું વાતાવરણ જિંદગીભર સતાવતું રહ્યું.
બેઠો હોઉં કદી હું ગોરજ સમયે ડૂબતા સૂરજની સાખે;
અચાનક આવી યાદોનું ધણ જિંદગીભર સતાવતું રહ્યું.
તમે મને વીસરી જશો તો હું ય ભૂલવાનો યત્ન કરીશ;
એમને આપેલ એક ખોટું પણ જિંદગીભર સતાવતું રહ્યું.
આ જીવવાનું ય કેવું જીવવાનું છે દોસ્ત શું કહું હું તને?
કાળ ઘડીએ ટપકી પડતું મરણ જિંદગીભર સતાવતું રહ્યું.
પરદેશ શું આવ્યો નટવર કે દેશની દિશા વીસરી ગયો;
આ સ્થાન જ નહીં,સ્થાનાંતરણ જિંદગીભર સતાવતું રહ્યું.
હતું અંગત એ એક જણ જિંદગીભર સતાવતું રહ્યું.
સહેજ મનોહર ઝલક બતલાવીને ક્યાંક નાસી ગયું;
વાસનાનું માયાવી હરણ જિંદગીભર સતાવતું રહ્યું.
કહેવાનું ન કહી શક્યો એટલે લખવી પડી કવિતાઓ;
મત્લાથી મક્તાનું અવતરણ જિંદગીભર સતાવતું રહ્યું.
ચહેરા પર ચહેરો લગાવીને ફરી રહ્યો હર શખ્સ અહીં;
એ એક અપારદર્શક આવરણ જિંદગીભર સતાવતું રહ્યું.
મારા હાથની વાત નો'તી કે બદલી શકું તમારા માટે;
આપણું કહેવાતું વાતાવરણ જિંદગીભર સતાવતું રહ્યું.
બેઠો હોઉં કદી હું ગોરજ સમયે ડૂબતા સૂરજની સાખે;
અચાનક આવી યાદોનું ધણ જિંદગીભર સતાવતું રહ્યું.
તમે મને વીસરી જશો તો હું ય ભૂલવાનો યત્ન કરીશ;
એમને આપેલ એક ખોટું પણ જિંદગીભર સતાવતું રહ્યું.
આ જીવવાનું ય કેવું જીવવાનું છે દોસ્ત શું કહું હું તને?
કાળ ઘડીએ ટપકી પડતું મરણ જિંદગીભર સતાવતું રહ્યું.
પરદેશ શું આવ્યો નટવર કે દેશની દિશા વીસરી ગયો;
આ સ્થાન જ નહીં,સ્થાનાંતરણ જિંદગીભર સતાવતું રહ્યું.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું