ચાલ્યા ગયા...

એમની નજરમાં મને ગિરફતાર કરીને  ચાલ્યા ગયા;

તેજ આ ઘાયલ દિલની રફતાર કરીને ચાલ્યા ગયા.

મેં કહ્યું  રહેવા દો મને તમારા દિલના એક ખૂણામાં;

એ મને એમના દિલથી હદપાર કરીને ચાલ્યા ગયા.

કર્યો છે ઘાયલ મને તમે , હવે તમે જ બચાવો સનમ;

તો દર્દ મારું વધે એવો એ ઉપચાર કરીને ચાલ્યા ગયા.

આપ્યો ‘તો મેં ટેકો જેમને એમના ડગમગતા કદમ પર;

એઓ જ બરહેમીથી મને નિરાધાર કરીને ચાલ્યા ગયા.

આવ્યા મારી મૈયતમાં, ખભોય આપ્યો મારા જનાજાને;

હતા કાતિલ એ જ આવો સદાચાર કરીને ચાલ્યા ગયા.

અમે ભલે ડૂબી ગયા મઝધારે કોઈને બચાવવા જતા;

ગનીમત છે, એમને તો અમે પાર કરીને ચાલ્યા ગયા.

વણી વણી ગણી ગણી ચૂંટ્યા હતા કેટલાંય નેતાઓને;

એ સૌ મારા બેટા અખૂટ ભ્રષ્ટાચાર કરીને ચાલ્યા ગયા.

અદભુત પ્રેમી  થવાની કેવી સજા મળી છે નટવર તને?

તું થઈ ગયો છે પાગલ એવો પ્રચાર કરીને ચાલ્યા ગયા.