લઈ લો બે ચાર, ખોલીને બેઠો છું
હું સપનાંની દુકાન;
ગમ હો કે ખુશી, મારે હર ચહેરા પર
જોવી છે મુસ્કાન.
સપ્તરંગી સપનાંની આપ લે કરતો રહું
હું સાવ સહજ;
સોદો કરું એવો હું જેમાં ન કોઈ નફો ન
કોઈ નુકશાન.
સજાવો તૂટેલ દિલને, સજાવો સુના સુના
મનને, ઘરને;
સપનાંના સરનામાં વિનાનું ઘર બની જાય છે
મકાન.
ક્યારેક ખુલી આંખે જોઓ તો કદી જુઓ
બંધ આંખોએ;
જોતા જો શીખો સપનાંઓ, દૂર થઈ જશે બધી
થકાન.
સુહાના સપનાંને સથવારે હંકારે નટવર
રથ જિંદગીનો;
બનાવી સપનાંને સારથિ સોંપી દો તમે
જિંદગીનું સુકાન.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું