મારી સનમની હર અદાઓ
સહુથી જરા હટકે છે;
એટલે જ હ્રદય મારું
હંમેશ એના નામે ધબકે છે.
હળવેથી એના કાનમાં કહી દીધું હું તને ચાહું છું;
નજર ઝુકાવી શરમથી એ કહે મને, તું શું બકે છે?
વાત વાતમાં એ રિસાય જાય અને હું મનાવું એને;
હોય જે સંબંધમાં મીઠી છેડછાડ એ જ વધુ ટકે છે.
મળી જાય બે યુવા હૈયા હસતા રમતા એકબીજાને;
ન જાણે કેમ એ આ બેરહેમ દુનિયાને બહુ ખટકે છે.
કરવો હોય એટલો કર સિતમ તું મુજ પર હે ખુદા;
હું પણ એ જોઊં તો ખરો તું ક્યાં જઈને અટકે છે?
જતા જતા ઓઢાડી ગઈ કફન રંગબેરંગી ઓઢણીનું;
એને એક નજર જોવા આત્મા મારો દરબદર ભટકે છે.
પળે પળ છટકી જાય છે સમય છોડી ઘડિયાળને;
ભલે ઘડિયાળ સમજતું રહે સમય લોલકે લટકે છે.
ધરતી પર જ તારા પગ રાખજે નટવર તું પણ હવે;
એ સહેલાઈથી મોંભેર પટકાય છે જે કદી બહુ છકે છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું