થોડા શબ્દમાં હું તનાવ ન લખી શક્યો;
સાગરના પાણી પર નાવ ન લખી શક્યો.
બે આંખો ચાર થઈ ને દિલ થયું ઘાયલ;
કેમ કરી બન્યો એ બનાવ ન લખી શક્યો.
નજર પહોંચે ત્યાં સુધી બસ રસ્તા રસ્તા;
જિંદગીના રાહમાં પડાવ ન લખી શક્યો.
એમ જોઈએ શું નથી મારી પાસે સનમ?
તું નથીનો વસમો અભાવ ન લખી શક્યો.
આંખ મારી ખૂલે ને સપનું તૂટી જાય તારું;
સપનાંમાં તારી આવજાવ ન લખી શક્યો.
કેટલી નાની વાત પર રીસાય ગઈ છે તું?
આપણી વચ્ચે અણબનાવ ન લખી શક્યો.
સંબંધો તો બંધાય જાય ને અમસ્તાં તૂટે ય;
કોઈનો કેમ થાય છે લગાવ?ન લખી શક્યો.
પહેલી વાર મળ્યા હતા ત્યારે શું થયું હતું?
લખલખ કર્યું,બસ હાવભાવ ન લખી શક્યો.
કેમ કરી વીસરે હવે નટવર તને ઓ સનમ?
મુજ પર તારો કેવો પ્રભાવ? ન લખી શક્યો.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું