સનમ તારી આંખો છે કે છટકું?
હું તો તારી આસપાસ જ ભટકું.
દુનિયા આખી ભલે ભુલાવી દે;
ગનીમત છે હું તારા દિલમાં ટકું.
વીંધાઈ જાઉં તો શું થયું હવે?
ગજરો બની તારી જુલ્ફે હું લટકું.
કેવી રીતે વીસરું હું તને સનમ?
રૂપ તારું સૌ હસીનાઓથી અદકું.
નજર ન લાગી જાય મારી તને;
લગાવી દે ગાલે મેસનું તું ટપકું.
લજામણી જેમ લજાય જાય તું;
ભૂલથી જો તને કદીક હું અડકું.
કેવી રીતે પહોંચું હું તારા ઘરે?
એક કદમ ચાલી બે કદમ અટકું.
ગાગરમાં સાગર સમાવી દે એ;
આ મન છે એક બહુ મોટું મટકું.
ખરી ન પડે આ આંસુનું મોતી;
આંખો મારી ન મારે એક મટકું.
વાત સાચી કહે સહુને નટવરને;
દુનિયા આખીને હું એટલે ખટકું.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું