તને શું ખબર તારા વિના હવે શું થવાનું છે?
બસ જીવવા માટે હવે તો સતત મથવાનું છે.
આ કરો, પેલું કરો, આ ન કરો, પેલું ન કરો;
જિંદગીમાં મહત્વ નાના મોટા અથવાનું છે.
તારી યાદ બસ એક બહાનું બનીને આવી છે;
બાકી આંખોનું કામ તો અમસ્તું ય રડવાનું છે.
બહુ ચાહ્યું કે હું ય કદી મને સ્પર્શું તારી જેમ;
મારું પ્રતિબિંબ ક્યાં કદી ય મને અડવાનું છે?
તને દિલ સોંપવાનું એક ભલું કામ કર્યું છે મેં;
નહોતી ખબર એ મને જિંદગીભર નડવાનું છે.
કોરા કાગળ જેવું છે દિલ મારું કોરું રહી ગયું;
તારા વરદ હસ્તે ત્યાં નામ તારું લખવાનું છે.
તણખલાનો સહારો હવે કાફી નથી દોસ્ત મારા;
એની યાદોનાં સહારે પુર ઝાંઝવાનું તરવાનું છે.
ઇશ્કમાં સાજો સારો નટવર દિવાનો થઈ ગયો;
આજકાલ દુનિયામાં ચલણ આ જ અફવાનું છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું