જ્યારથી જોઈ તને ઓ મનચલી;
દિલમાં મારા મચી છે ખલબલી.
અડ્યો છું જ્યારથી તારા તનમનને;
ટેરવે ટકી ગયો છે સ્પર્શ મખમલી.
મારા તો એ જ કાશી મથુરા દ્વારકા;
તારું ગામ પાદર ઘર, તારી ગલી.
તારા ઇશ્કની આ અસર ય કેવી છે?
હર શખ્સ મને લાગે અલ્લાનો વલી.
આ દુનિયાનું શું કામ છે હવે આપણે?
તારો મારો સાથ છે તો જિંદગી ભલી.
ખોજતો નટવર દર બદર જિંદગીને ;
શોધતી મને એ મારા ઘરમાં મલી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું